Søkt verður eftir heilsurøktara

Til farloyvisstarv á Sambýlinum í Hvalba frá 1. september 2025 til 1. september 2026.
Møguliga kann talan gerast um longri tíðarskeið.

Talan er um starv á 35 tímar um vikuna, ella eftir nærri avtalu. Arbeitt verður í dagvaktum ella eftir nærri avtalu.

Á sambýlinum í Hvalba eru 8 búpláss, og dentur verður lagdur á at veita búfólkunum ein innihaldsríkan, tryggan og góðan gerðandisdag, har umsorgan og virðing fyri einstaka búfólkinum ganga hond í hond.

Ynskiligir førleikar til tann, ið sett/ur verður:

• Útbúgving sum heilsurøktari
• Royndir á økinum
• Nærlagni í sínum arbeiði
• Góð evnir at arbeiða sjálvstøðugt
• Góð samstarvsevni bæði við búfólk, avvarðandi og starvsfelagar

Vit bjóða:

• Eitt sjálvstøðugt og fjølbroytt starv, har tú er við til at mynda og menna tænastuna í økinum
• Eitt jaligt og vinarligt arbeiðsumhvørvi
• Eitt starv har tú kanst gera tína áskoðan galdandi
• Fakliga og persónliga menning

Lønar- og setanartreytir:

Størvini verða sett sambært sáttmála millum KAF og avvarandi fakfelag.

Um tú ynskir at vita meir um starvið, ert tú vælkomin at ringja til:

Ann J Thomsen deildarleiðara á tlf. 793581.

Umsókn: Skrivlig umsókn við avriti av prógvum v.m. skal sendast til:

Bú- og Heimatænastan í Suðuroy

att. Heri Norðberg, Stjóri

Vágsvegur 22

900 Vágur

ella til: herin@bhs.fo 

Umsóknarfreist: 04. august 2025 kl. 12.00