Stýrið hjá Bú og Heimatænastuni í Suðuroy hevur samtykt at seta Hanus Toftheyggj í starv sum leiðara í Bú- og Heimatænastuni í Suðuroy.
Bú- og Heimatænastan í Suðuroy er eitt kommunalt samstarv, sum frá 1. januar 2015, vegna kommunurnar í Suðuroynni, umsitur bú- og heimatænastu til eldri í Suðuroynni.
Hanus Toftheyggj býr í Hvalba, er 36 ár og hevur tikið eina Bachelor í Almennari fyrisiting og ein Master í løgfrøði. Hann hevur síðan 2015 arbeitt sum fulltrúi í Almannaverkinum og er í løtuni í gongd við eina akademiútbúgving í leiðslu.
Bú- og Heimatænastan telur um 150 starvsfólk.
Tænastan fevnir um fyribyrging, fysio- og ergoterapi, heimahjálp, heimasjúkrarøkt, sambýlir, røktarheim, dagtilhald og mattænastu.
Hanus tekur við starvinum eftir Annu Djurhuus, sum fer frá vegna aldur, og byrjar hann 1. september í ár.