Søkt verður eftir røktarstarvsfólkum til Sambýlið í Vági

Vilt tú vera við til at gera ein mun í gerandisdegnum hjá fólki inni á Sambýlinum?
Bú- og Heimatænastan søkir eftir umsorganarfullum og álítandi røktarstarvsfólkum.

Vit søkja eftir:

Einum føstum starvi á 0,8 starvsbrøk (32 tímar um vikuna)
Frá 01. mars, ella eftir nærri avtalu.

Einum barnsburðar farloyvisstarvi á 0,8 starvsbrøk (32 tímar um vikuna).
Arbeiðstíðirnar eru í skiftandi vaktum – dag-, kvøld-, nátt og vikuskiftir.
Starvið er til setan skjótast gørligt ella eftir avtalu fram til 01. mai 2027.

Avloysarum, ið kunnu taka vaktir eftir tørvi á Sambýlinum.

Møguleiki er eisini hjá tær, at taka vaktir í útiøkinum í sunnaru helvt í Suðuroynni hjá borgarum í egnum heimi.

Arbeiðsuppgávur

Sum partur av arbeiðinum kemur tú at:

- Veita persónliga og praktiska røkt til búfólkini inni á Sambýlinum og borgarum í egnum heimi 
- Stuðla borgaranum í at varðveita sjálvbjargni, tryggleika og góða lívsgóðsku
- Samstarva við starvsfelagar, avvarðandi og aðrar heilsufakligar samstarvsbólkar
- Skráseta og fylgja upp í Cosmic, so røktin verður tillagað tørvinum
- Vera við til at menna trivnað og góðar gerandisloysnir hjá borgarunum

Vit leita eftir tær, ið:

- Ert útbúgvin heilsurøktari (við góðkenning), heilsuhjálpari – ella royndum/óroyndum hjálparfólkum
- Hevur royndir innan røkt (fyrimunur, men ikki krav)
- Ert umsorganarfull/ur, álítandi og hevur góð samskiftisevni
- Dugir at arbeiða sjálvstøðugt, men eisini í toymi
- Skapar tryggleika og álit hjá borgaranum
- Tekur ábyrgd fyri tínum arbeiði

Vit bjóða tær:

- Eitt arbeiðspláss, har tú ger ein mun hvønn dag
- Eitt gott arbeiðsumhvørvi við fokus á trivnað og samstarv
- Góða upplæring og møguleikar fyri fakligari menning
- Góðar starvstreytir og løn sambært galdandi sáttmála

Setanarviðurskifti

Størvini verða lønt sambært sáttmála millum KAF/Fíggjarmálaráðið og ávikavist Heilsurøktarfelagið ella Heilsuhjálparafelag Føroya.

Meira fæst at vita

Meira fæst at vita um størvini við at venda sær til Beintu Virgarsdóttir, deildarleiðara á Sambýlinum í Vági og útiøkinum, tel. 793530 ella beintav@bhs.fo.

Umsókn

Umsókn saman við prógvum og møguligum royndum skal sendast til: bhs@bhs.fo Viðmerk umsóknina: “Starv - Sambýlið í Vági”. Umsóknarfreistin er: 2. mars 2026.