Søkt verður eftir 2 heilsurøktarum, 2 heilsuhjálparum og 1 køksfólkið til Hamragarð

 

Fimm spennandi og mennandi størv eru leys á Hamragarði, har høvuðsdenturin er borgarar við ymiskum ellisavbjóðingum. Talan er um hesi størv:

 

Heilsurøktari brøk 1,0

Heilsurøktari brøk 0,8

Heilsuhjálpari 0,8

Heilsuhjálpari 0,8

Køksfólk 0,75

 

Heilsurøktara- og hjálpara størvini eru í skiftandi vaktum, og hava møguleika fyri hægri brøki.

 

Arbeiðsuppgávur í høvuðsheitum fyri størvini í røktini:

-          Útinna umsorgan, røkt/sjúkrarøkt, samsvarandi ábyrgd og førleikum

-          Gera og fylgja røktagongdum sum eru lagdar fyri borgarar

-          Skjalfesta heilsurøkt og útinta sjúkrarøkt

-          Luttaka í samrøðum við borgarar og avvarðandi

 

Arbeiðsuppgávur í høvuðsheitum fyri køksfólki:

-          Útinna tær tænastur køkurin á Hamragarði veitir heimabúgvandi og borgarum á staðnum

-          Vera við til at leggja til rættis uppgávurnar fyri vikuna

-          Tilrætta heilsugóðan kost til eldri borgarar

-          Taka ímóti nýggjum uppgávum og leggja hesar til rættis

-          Vera við til at keypa inn og vísa fíggjarligt skynsemi

-          Reingerð av køki og køksamboðum

 

Førleikar

-          Prógv sum heilsurøktari, ella sum heilsuhjálpari. Tað er ynskiligt, at umsøkjari ið søkir starv sum køksfólk, hevur útbúgving ella royndir innan økið

-          Góðan telduførleika

-          Megna at hava fleiri bóltar í luftini í senn

-          Megnar at arbeiða sjálvstøðugt og í toymi

-          Virka fyri einum góðum umhvørvi og trivnaði

-          Leggja stóran dent á reinføri

-          Hava góð evnir at samskifta

-          Førleikamenning er ein natúrligur partur av starvinum

 

Væntanir

Vit vænta, at umsøkjarar:

-          Hava áhuga at arbeiða innan eldraøkið

-          Vilja stuðla undir og veita eina dygdargóða tænastu

-          Stimbra heilsu og trivnað hjá borgarunum

-          Fyribyrgja sjúku, endurmenna og/ella varðveita førleikar

-          Veita umsorgan og røkt í góðum samstarvi við borgaran og avvarðandi

-          Hava evnini at vera málrættaðir og skipaðir í síni tilgongd til arbeiðið

-          Hava evni at seta seg inn í skipanir, ið verða brúktar á økinum

-          Eru empatiskir í sínum samstarvi við borgaran og avvarðandi

-          Megna at handfara og tillaga seg broytingar

 

Vit kunnu bjóða:

-          Fjøllbroytt størv

-          Avbjóðandi arbeiðsuppgávur

-          Eitt gott og spennandi arbeiðspláss við eldhugaðum starvsfólkum

-          Góðar umstøður

-          Jaligt og vinarligt arbeiðsumhvørvi

-          Ein fakligan spennandi og mennandi gerandisdag

 

Setanar- og lønarviðurskifti

Setanarstaður er Bú- og Heimatænastan í Suðuroy, við arbeiðsstaði á Hamragarði.

Tann, ið settur verður, má tola broytingar í starvinum, og at hetta kann verða umskipað til eisini at fevna um aðrar uppgávur.

Størvini verða sett sambært sáttmála millum Fíggjarmálaráðið/ Kommunala Arbeiðsgevarafalagið, Heilsurøktarafelagið og Heilsuhjálparafelagið.

 

Umsókn

Skrivlig umsókn við avritum av prógvum, cv, viðmælum v.m. skal sendast til bhs@bhs.fo ella til:

Bú- og Heimatænastan í Suðuroy

Vágsvegur 22

900 Vágur

 

Freist

Umsóknir skulu vera okkum í hendi í seinasta lagi týsdagin 26. mai kl. 12:00.

Nærri upplýsingar um størvini á Hamragarði fáast við at venda sær til:

Bergljót Ludvig, deildarleiðara á Hamragarði, á tlf. 793505, bergljotl@bhs.fo ella til Daimi Kjærbo úr Hørg, eindarleiðara, á tel. 793503, daimik@bhs.fo.

 

Hamragarður

Hamragarður er eitt røktarheim ið liggur á Eiðisvegi 26 í Vági, í einum sera vøkrum umhvørvi, har náttúran er ein stórur partur av gerandisdegnum. Á heiminum eru 24 búplássum á 4 lonum ið eru deildar yvir tvær hæddir.